الثلاثاء، 12 أبريل 2011

مبارك : أنا أدمن كلنا خالد سعيد !

" "
مع انتهاء الرئيس المخلوع حسني مبارك من كلمته التي بثتها فضائية العربية أمس ، تفجرت شلالات النكتة المصرية ، و هذه بعضاً منها :


- المجلس العسكرى ينفى خطاب مبارك و يؤكد لا توجد قناة اسمها العربية اصلا ، و دى إشاعة من فلول النظام المخلوع !


- من مبارك الي المجلس : شكرا على حسن تباطؤكم معنا ، الفلوس في أمان و السنجة في الرنجة و فتشنى فتش !


- المجلس : خلاويص ؟ مبارك : لسه , المجلس : خلاويص ؟ مبارك : لسه , المجلس : خلاويص ؟ مبارك : خلاص !


- شرم يا مه يا بهية .. يا أمو بسين و شمسية .. فيكي مبارك و الحرامية .


- من إسعاد يونس لمبارك : شلت المرارة .. عاوز تفقع لي ايه تاني ؟!


- الفنان محمد حسني مبارك .. أوسكار فقع مرارة الشعب !


- مبارك : يحز في نفسي ما ألاقيه من بني وطني من حقد على القصر اللي مأنتخ فيه !


- مبارك : متصدقوش إذاعات هذول الكلاب أنا مسرقتش 70 مليار هما 67 بس !


- مبارك : القذافي طلع على التوك التوك .. انا طلعت على " العربية " !


- مبارك : جمال ايه اللى تحققوا معاه .. من أنتم ؟!!! .. من أنتم ؟!!!


- رداً علي جمعة الزحف لشرم ، مبارك : لو جايين بجد .. هاتوا معاكم دراع بلاي ستاشن زيادة !


- مبارك : مستر إكس.. مش ممكن يموت !


- مبارك : اعزائي المواطنين ، بصوا العصفورة ! سلاموا عليكوا !


- - مبارك : أعلن أنه ده أول سنجل لي .. و ناوي أعمل ألبوم تسجيلات كامل و بنتفاوض مع روتانا !


- انه لا يموت .. انه يذكرنى بابراهيم الابيض !!!


- مبارك : أظـنّ إتسلّيتو بما فيه الكفاية و أنا خدت أجازة كويسة .. نكمّل بقي مدة رئاستي السادسة ؟


- مبارك : لم أكن أنتوي ... أن أشم النسيم لوحدي في شرم يلا تعالوا بقى !


- مبارك للشعب : يا نعيش مع بعض حبيبي يا نموت احنا الاتنين !


- مبارك :‏ إنتو فاكرين الثورة أثرت عليا ؟ أبسلوتلي ..‏ أنا اللي أثرت ع الثورة ..‏ الثورة عملتلي دماغ و دماغ جامدة كمان !


- مصر دلوقتي عاملة زي أوضة واحد عازب ، كل حاجة مش في مكانها ، القميص في التحرير و الشبشب في مصطفى محمود .. و " الجزمة " في شرم .


- مبارك : حطلع خطاب تاني فيديو مع يسري فودة .. بشرط عدم حضور الأسواني !


- مبارك : انا طاهر و حفضل طول عمري طاهر .. طاهر " موسيقى يا ام المطاهر " !


- مبارك : أنا مش حرامى .. انا مش خرونج .. انا كينج كونج !


- مبارك : الواد جمال ده مش ابني .. لقيته و هو صغير قدام باب المطار !


- مبارك : بلاه جمال.. خدوا علاء !


- مبارك : لو كنتم اجتهدتم زى جمال .. كنتم حوشتوا من مصروفكم زيه !


- مبارك : إن كان على سوزان أطلقها .. أنا ماليش غير الإخوة والأخوات !


- مبارك : لن ينعم المصريون بالأمن .. حتى نعيشه واقعاً في شرم !


- هزة أرضية بمقدار 13 ريختر تضرب السودان .. جيولوجي يرجع السبب لـ " صوت إسكندراني جماعي " من المصريين بعد مبارك !


- ثوار يناير يخشون موقعة " المايوه " من جمعة الزحف في شرم الشيخ !

ليست هناك تعليقات:

إرسال تعليق

الموقع غير مسئول عن التعليقات وكل التعليقات تعبر ان اصحابها